MTALAAM : MIMBA ZA UTOTONI SI SALAMA KWA WASICHANA WADOGO

Mtaalam wa Maabara Kitengo cha Damu Salama  Hospitali ya Rufaa Mkoa wa Singida, Herjinder Jaswant Hunjan akizungumza na wanafunzi wa kidato cha kwanza na cha tatu wa Shule za Sekondari Lulumba,,Iguguno, Mwanamwema Shein, Mwanzi na Ikungi katika kongamano la Malezi na Makuzi lililoandaliwa na Ofisi ya Mkuu wa Mkoa wa Singida kupitia idara ya vijana lililofanyika  mwishoni mwa wiki Ukumbi wa Taasisi ya Uhasibu Tanzania (TIA) Kampasi ya Singida.

Mratibu wa programu ya malezi na makuzi kwa vijana ambaye pia ni Afisa Vijana Mkoa wa Singida, Frederick Ndahani akizungumza katika kongamano hilo.

Mgeni rasmi katika kongamano hilo Mkuu wa Wilaya ya Mkalama, Sophia Kizigo akizungumza.

Mtaalam wa Maabara Kitengo cha Damu Salama  Hospitali ya Rufaa Mkoa wa Singida, Herjinder Jaswant Hunjan akizungumza na wanafunzi hao kuhusumakundi ya damu.

Katibu Tawala Mkoa wa Singida, Dorothy Mwaluko akiongoza kongamano hilo.

Wanafunzi wakiwa kwenye kongamano hilo.

Kongamano likiendelea.

Maswali na majibu yakifanyika.

Mgeni rasmi DC wa Mkalama, Sophia Kizigo (kushoto) akiangalia bidhaa zilizotengenezwa na wanafunzi hao katika maonesho ya shughuli za mikono na ubunifu. 

Mgeni rasmi akitoa vyeti kwa mmoja wa walimu.

...................................

Dotto Mwaibale na Philemon Mazalla, Singida

IMEELEZWA kwamba mimba za utotoni si salama kwa wasichana wadogo kwani zinachangamoto zake siku za usoni pale msichana husika anapohitaji kupata watoto baada ya kuwa  kwenye ndoa.

Hayo yamebainishwa  na Mtaalam wa Maabara Kitengo cha Damu Salama  wa Hospitali ya Rufaa Mkoa wa Singida, Herjinder Jaswant Hunjan wakati akizungumza na wanafunzi wa kidato cha kwanza na cha tatu wa Shule za Sekondari za Lulumba,Iguguno,Mwanamwema Shein,Mwanzi na Ikungi  katika kongamano la malezi na makuzi ndani ya mfumo rasmi lililoandaliwa na ofisi ya mkuu wa mkoa wa Singida kupitia idara ya vijana. 

Hunjan alisema mimba hizo si salama kabisa lakini kutokana na kukua kwa teknolojia baadhi ya wanafunzi kwa kuogopa kuitwa washamba wamekuwa wakizitoa kwa kutumia njia mbalimbali lakini balaa linaibuka baadae baada ya kupata mume mwema na kuhitaji kupata watoto kwani kila mimba itakapoingia inakuwa inatoka na ndipo kila sababu zinapoanza kutokea mara mama mkwe au wifi zangu wananionea wivu kwa kuwa sipati mtoto na maneno mengine mengi yanayofanana na hayo kumbe sababu inakuwa ni msichana husika.

"Hapo hakuna mchawi zaidi ya msichana husika kwani wakati unazibeba mimba hizo hukuzingatia upo kwenye kundi gani la damu inawezekana upo katika kundi tofauti na la mume wako hivyo ulipokuwa ukizibeba na kuzitoa ulikuwa ukitengeneza sumu ambazo sasa zimekuwa kisababishi kikubwa cha kuharibu mimba ambazo unapata" alisema Hunjan.

Hunjan aliwasisitiza wanafunzi hao kuacha kufanya vitendo hivyo badala yake wasubiri wamalize masomo na kubeba mimba wakati watakapokuwa wanazihitaji baada ya kupatiwa ushauri na wataalam na si vinginevyo kwani njia hizo za kuzitoa zinaathari kubwa.

Mratibu wa programu ya malezi na makuzi kwa vijana ambaye pia ni Afisa Vijana Mkoa wa Singida, Frederick Ndahani alisema  programu hiyo wameianzisha mkoani hapa kwa malengo ya kuwajenga wanafunzi wa shule za msingi na sekondari ili waweze kujitambua katika masuala mbalimbali yakiwemo ya afya na afya ya uzazi kwa ujumla.

Alisema lengo lingine la programu hiyo ni kuwapa elimu ya malezi na maadili hasa katika kipindi hiki cha utandawazi vijana wengi wamekuwa hawana nidhamu na maadili ndio maana wakaona wafanye kongamano hilo ili kuwajengea uwezo watoto hao kuanzia ngazi ya chini.

"Jambo lingine tunalowafundisha wanafunzi hawa ni umuhimu wa kuwa wazalendo wa taifa letu kwa kukataa rushwa, kujitolea kufanya kazi za maendeleo, kukemea pale watakapoona kuna jambo la kihalifu likifanyika na mambo mengine yanayofanana na hayo" alisema Ndahani.

Alisema wanafunzi katika kongamano hilo waliimba wimbo wenye maudhui ya kauli mbiu isemayo Mwili wangu Maisha yangu katika ulimwengu wa Kidigitali, waliulizwa maswali ya ujumla ya kupima ufahamu kwa kutaja mikoa ya Tanzania kupitia Ramani ambapo pia walionesha maonesho ya shughuli za mikono na ubunifu. 

Pia walipata mafunzo kuhusu afya ya uzazi kwa vijana na  jinsi ya kujikinga na UKIMWI/VVU na mgonjwa ya zinaa, elimu ya damu, kuzuia na kupambana na Rushwa, Maadili, Nidhamu na uzalendo na Stadi za Maisha. 

Katika kongamano hilo mshindi wa jumla ilikuwa ni Shule ya Sekondari Mwanzi na wa pili Lulumba na kuwa lengo kuu la Programu ya Malezi na Makuzi ni kuwajenga Vijana kutambua thamani ya Mwili wao na namna ya kuutunza ili kufikia malengo kwa kupata elimu ya masuala mbalimbali ikiwemo Haki,Afya na Lishe, uzalendo na uwajibikaji.